أوقات كتيرة يجينا الفرح
عشان يفرحنا ومعاه كدا نفرح ………………….
يقوم القلب كدا يمانع ويستعصم مايتزحزح …….
أقول للقلب ليه ياقلبي على
طول بتمانع ولا تريح ……
يرد عليه بغباوته انا المكلوم
انا اللي حزين ومتشرح …
يخلي دموعي تغلبني وتنزل فجأة وأنوح ………
وأفتكر ماضي كان مؤلم وكان أغبر
صرخت فيه طول الليل لحين الصبح مايصبح …..
ياسلام عليك كدا ياقلبي ضميرك
صاحي ومصحصح …….
وقاعد لي خلاص على الواحده ولا بتبرح …….
والناس ف الدنيا معظمهم
عايشين فيها قول مسرح .
مابين العك ف الضلمة وبين الكذب اللي مالي قلوبهم ومتسوح ………….
أشمعنا قلوبهم عيشاها كدا بالعرض ما بتشوح …..
وحياتهم حلوه وجميلة
وديما على طول كدا تشطح …………
ياقلبي دي فرصة جميلة قوم أرقص وقوم أفرح ….
وبيع الدنيا للدنيا بأي تمن
مادامت الدنيا بتهوى الهوى وبتصفح ………………
أجددنا زمان ياقلبي قالوهنا
كلمة وكانت عنبر
مفيش فايدة وسيب الأيام تتمطوح ……… ……..
بقلمي … جمال حلمي
